A Garda Civil investiga varios roubos en vivendas particulares da zona de Arzúa
Ecos da Comarca/Arzúa
Nos últimos días rexistráronse varios roubos en vivendas particulares da zona de Arzúa, uns feitos que están a ser investigados pola Garda Civil.

Segundo informou hoxe a Oficina de Prensa da Comandancia da Coruña, a investigación permanece aberta co obxectivo de esclarecer as circunstancias nas que se produciron os roubos e identificar as persoas responsables.
PUBLICIDADE
Estes sucesos están a xerar preocupación entre a veciñanza e volven poñer sobre a mesa a cuestión da seguridade nas zonas rurais do municipio, onde a dispersión das vivendas pode incrementar a sensación de vulnerabilidade ante este tipo de delitos.
PUBLICIDADE
Polo momento, non transcenderon máis detalles sobre os roubos nin sobre posibles persoas identificadas no marco da investigación.









Comentarios