Terá lugar no antigo campo de fútbol de Piloño e a entrada será gratuíta
Ecos da Comarca/Vila de Cruces
O concello de Vila de Cruces acollerá un concurso hípico. Terá lugar este domingo 14 de agosto a partir das 11:30, no antigo campo de fútbol de Piloño e a entrada a este evento será totalmente gratuíta e dentro do recinto contarase con servizo de bar e espectáculos de entretemento. As probas de competición serán dende 0,30 ata 1,20 metros.
Ao longo de varios anos a concelleira Mireya Otero, tal e como indica o Concello, acordara cos seus compañeiros de goberno a posibilidade de traer a Vila de Cruces un concurso hípico, "pero a pandemia truncou esa posibilidade, ata o ano pasado que se comezou a preparar unhas instalacións para poder celebrar devandito evento".
O goberno de Xuntos anima a que gocen todos os veciños e todos os amantes dos equinos. "Mireya Otero con esta iniciativa conseguiu que o que antigamente era un campo de fútbol que se atopaba cuberto pola maleza e totalmente en desuso, teña nunha nova oportunidade de exercitar un deporte como é o salto hípico, onde están todos convidados e esperan desde o goberno que o gocen",
