Venezolanos del Deza convoca para hoxe unha misa en Lalín pola transición pacífica de Venezuela

Ecos da Comarca/Lalín

Nun momento de profunda sensibilidade para a diáspora venezolana, o colectivo Venezolanos do Deza convoca a toda a comunidade da comarca e institucións amigas a participar nunha xornada especial de oración. O encontro celebrarase hoxe, o sábado 31 de xaneiro, ás 20:00 horas na Igrexa Parroquial de Lalín.

 Publicidade/DOAZÓN PARA ECOS DA COMARCA

Baixo o lema "Unidos por un novo rumbo", esta iniciativa busca elevar unha petición común centrada en tres piares fundamentais:

• A pronta recuperación de Venezuela: un rogo pola estabilidade e o benestar de quen permanece no país.

• A liberación dos presos políticos: Unha demanda de xustiza que ecoa con forza tras as recentes noticias de excarceracións reportadas por varias organizacións como o Foro Penal.

• Fortalecemento da comunidade: O desexo de construír unha comunidade de venezolanos no exterior máis unida, sólida e solidaria.

 Publicidade

Preme na imaxe para obter máis información.

Desde a asociación, que recentemente renovou a súa xunta directiva, destacan que este acto é unha expresión de fe e resistencia pacífica. "Con esperanza e con fe, pedimos por un futuro baseado na liberdade, a xustiza, a paz e a prosperidade para a nosa terra", sinalan os organizadores.

Publicidade

Preme para contactar con nós e pregunta polas tarifas que son unha bicoca!

A invitación está aberta a todas as persoas que desexen acompañar á comunidade venezolana neste xesto de irmandade, reafirmando os lazos que unen á comarca do Deza co pobo venezolano.