Unidade por Rodeiro fala "do fin dunha gran mentira" con respecto a dispoñer dun centro de día

Ecos da Comarca/Rodeiro

Unidade por Rodeiro fala "do fin dunha gran mentira". Sinala que o Partido Popular "o 4 de abril do ano 19, anunciou que no edificio polivalente ía haber un centro de día. Dende Unidade xa denunciamos en numerosas ocasións que iso non era certo. De feito, o goberno votou en contra desta proposta no mes de febreiro".

Independentemente disto, sinala, "moitas persoas confiaban nas palabras de Cati Somoza, tenente de Alcalde e número 2 do PP de Rodeiro mais o tempo deu a razón. Os planos que están dispoñibles na páxina da Xunta de Galicia deixan ver que ese edificio vai incluír a 3 sala informática; as 2 primeiras están inutilizadas, as oficinas de Servizos Sociais, que o goberno quere transladar non lle atopamos razón de ser; construir un novo salón de actos máis pequeno que o que temos e está case sempre libre non ten lóxica e o PAI debe transladarse para a súa localización lóxica no CPI de Rodeiro".

Preme na imaxe se queres contactar connosco!

En definitiva, recalca "o proxecto que aprobou Cati Somoza na lexislatura anterior non ten razón de ser e hipoteca economicamente ao concello, xa que, 1.500.000 para a súa construción son demasiados cartos para tan pouco servizo. Cati Somoza senón paraliza esta inversión e a destina ao mantemento das pistas queda desacreditada para ser candidata nas vindeiras eleccións municipais".