Unha saída de vía en Silleda sáldase cunha persoa ferida
Ecos da Comarca/Silleda
Esta mañá rexistrouse un accidente no municipio de Silleda que se saldou cunha persoa ferida. Ocorreu pasados uns minutos das oito da mañá.
Tratouse dunha saída de vía tal e como informa o 112 Galicia que foi alertado por unha das persoas afectadas.
Sucedeu na estrada EP-6511 á altura da parroquia de Manduas. "Unha persoa queixábase de dor no peito", subliña o 112.
A persoa afectada tivo que ser trasladada por Urxencias Sanitarias e o vehículo quedou obstaculizando a circulación, tal e como apunta o 112. Ata o lugar tamén se desprazou a Garda Civil de Tráfico.
Comentarios