Unha persoa perdeu a vida ao ser alcanzada por un tren de pasaxeiros en Lalín

Ecos da Comarca/Lalín

Unha persoa perdeu a vida ao ser alcanzada por un tren de pasaxeiros en Lalín, tal e como informa o 112 Galicia. Ocorreu á altura do lugar da Bouza, na parroquia de Botos, no paso inferior dunha vía de alta velocidade.

A circulación permanece interrompida no lugar mentres duren os labores dos servizos de emerxencia.

Publicidade

Preme na imaxe para obter máis información do evento.

O 112 Galicia recibiu a alerta dos feitos a través do Adif, uns minutos despois das 18:30 horas desta tarde.

Preme na imaxe se queres contactar connosco.

De xeito inmediato, os xestores do 112 Galicia solicitaron a intervención do persoal de Urxencias Sanitarias de Galicia-061, que tan só puido confirmar o falecemento da persoa alcanzada polo convoi. Tamén, requiriuse a actuación do GES de Lalín, do Servizo Municipal de Protección Civil e da Garda Civil