O suceso ocorreu este xoves na Ronda da Coruña
Ecos da Comarca/Melide
Emerxencias Sanitarias contactaron este xoves co 112 Galicia para informar dun atropelo no casco urbano de Melide. Tal e como indicou o 112 a este medio, o suceso ocorreu ao redor das 11:50 horas na Ronda da Coruña.
Como consecuencia do golpe a vítima quedou ferida, aínda que en ningún momento estivo atrapada polo vehículo. O 112 Galicia tamén alertou a Policía Local e a Protección Civil de Melide e aos bombeiros de Arzúa.
