O accidente provoca retencións na N-547
Ecos da Comarca/Arzúa
Esta tarde produciuse un accidente na N-547 no municipio de Arzúa. Trátase dunha colisión entre dous vehículos, como informa o 112 Galicia, e é na saída desta localidade cara Santiago.
O 061 foi o que alertou ao Centro Integrado de Atención ás Emerxencias de Galicia (CIAE-112) ás 18:53 horas. O 112 informou á Garda Civil de Tráfico e aos Bombeiros de Arzúa.
Minutos despois o 061 informoulle ao 112 Galicia que había unha persoa ferida e que o suceso estaba provocando retencións nesta estrada.
