Unha persoa ferida nunha colisión entre dous coches en Camposancos, Lalín

Ecos da Comarca/Lalín

Este venres rexistrouse un accidente de tráfico no concello de Lalín. O 112 Galicia foi alertado escasos minutos das 14:30 horas por Urxencias Sanitarias.

Foto de arquivo.

Tal e como informa o 112 tratouse dunha colisión entre dous coches no lugar da Goleta, na parroquia de Camposancos.

"Aínda que nun primeiro momento, nos falaban de que podía haber varios feridos, finalmente, os Bombeiros de Deza indicáronos que só había unha persoa ferida leve", indica o 112.

Publicidade

Preme na imaxe se queres contactar connosco.

Ata o lugar desprazáronse Urxencias Sanitarias, os Bombeiros de Deza, a Garda Civil de Tráfico e Protección Civil de Lalín.