Unha persoa falece tras un accidente entre tres vehículos en Curtis

Ecos da Comarca/Xeral

Unha persoa perdeu a vida esta tarde tras sufrir un grave accidente de tráfico no que se viron implicados tres vehículos —un camión, unha furgoneta e un turismo— ao seu paso polo concello coruñés de Curtis. 

O suceso produciuse arredor das 16:00 horas, momento no que varias persoas particulares contactaron co 112 Galicia para alertar dunha colisión múltiple na estrada N-634, á altura do quilómetro 668.

 PUBLICIDADE

Preme na imaxe para obter máis información deste evento.

De inmediato, dende o Centro Integrado de Atención ás Emerxencias (CIAE) 112 Galicia informouse ao persoal do Servizo de Urxencias Sanitarias de Galicia-061 que, ante a gravidade do impacto e a presencia dunha persoa atrapada, desprazou ata o lugar o helicóptero medicalizado con base en Santiago de Compostela. Así mesmo, dende a central de emerxencias solicitouse a intervención dos Bombeiros de Betanzos, do GES de Curtis, dos axentes da Garda Civil de Tráfico e dos efectivos de Protección Civil da localidade.

 PUBLICIDADE

Preme na imaxe para contactar connosco.

Unha vez no punto, os equipos de emerxencia tiveron que empregar o material de excarceración para liberar ao condutor da furgoneta. A pesar de que os servizos sanitarios lle practicaron manobras de reanimación, finalmente só se puido confirmar o seu falecemento.