Breixa celebra o 24 o XXV Aniversario da Festa da Castaña e o festival Arre Castaña Folk & Rock
Laura Moure/Silleda
A parroquia de Breixa, no municipio de Silleda, acollerá este sábado, 24 de outubro, a XXV Festa da Castaña, unha cita gastronómica que celebra o seu 25 aniversario e que estará acompañada dunha nova edición do festival Arre Castaña Folk & Rock, con música en directo e entrada de balde.
A xornada comezará ás 14:30 horas coa Festa da Castaña, na que os asistentes poderán degustar castañas asadas, bocadillos de panceta, queixo con marmelo, viño e outros produtos. O prezo da entrada é de 20 euros e inclúe unha taza conmemorativa. Ademais, haberá carpa e servizo de polbeiro, cun prezo de 12 euros por ración.
PUBLICIDADE
As persoas interesadas en asistir poden adquirir os seus tíckets anticipados no Bodegón de Esther, no Bar Sanse e na Taberna de Martixe.
Música en directo e sorteos durante a xornada
A programación continuará a partir das 17:30 horas co festival Arre Castaña Folk & Rock, que ofrecerá actuacións en directo de Cantos da Terra, Leirabuxo e Fuss. O acceso ao festival será gratuíto.
PUBLICIDADE
Ao longo da xornada tamén se celebrarán diferentes sorteos entre as persoas asistentes. Entre os premios figuran vales de desconto, lotes de produtos locais, un zoco floreiro de Eferro, noites de aloxamento e unha comida nun restaurante con estrela Michelín.
Con esta proposta, Breixa prepárase para vivir unha xornada que combina gastronomía, música e produtos locais, nunha edición especial da Festa da Castaña que alcanza os seus 25 anos de historia.
Comentarios