Unha persoa excarcerada nun accidente múltiple no municipio de Lalín

Ecos da Comarca/Lalín

Este luns rexistrouse un accidente múltiple no concello de Lalín. O 112 Galicia foi alertado sobre as 15:15 horas. No mesmo víronse implicados tres vehículos e unha persoa tivo que ser excarcerada.

Tal e como informa Emerxencias Lalín, o sinistro ocorreu na estrada N-525, saíndo de Prado dirección Lalín, antes da curva da gasolineira de Bendoiro.

 PUBLICIDADE

Preme para obter máis información.

O accidente hoxe. Autor: Emerxencias Lalín.

Unha persoa quedou atrapada e tivo que ser liberada polos Bombeiros de Deza e trasladada nunha ambulancia de Soporte Vital Avanzado (SVA). Ademais, resultaron feridas leves outras dúas que foron ao Centro Integrado de Saúde de Lalín polos seus propios medios.

 PUBLICIDADE

Preme na imaxe e contacta con nós!

Neste operativo participaron Urxencias Sanitarias de Galicia-061, os Bombeiros de Deza, Emerxencias Lalín, a Garda Civil de Tráfico e os servizos de mantemento da estrada.