Ecos da Comarca/Melide
Este venres produciuse un atropelo en Melide pasados uns minutos das dúas da tarde. Como consecuencia, unha persoa tivo que ser trasladada ao hospital de referencia.
O 112 Galicia foi alertado por Protección Civil da localidade e tamén por un particular. Ambas partes solicitaban asistencia médica. Tal e como indica o 112, o suceso ocorreu na Ronda de Pontevedra, á altura do número catro.
A muller foi atropelada por un vehículo e presentaba, segundo o 112, feridas na cabeza, polo que tivo que ser trasladada en ambulancia ao hospital.
Ademais de desprazarse ao lugar Protección Civil da localidade, o 112 avisou á Policía Local e aos axentes da Garda Civil e tamén se informou aos bombeiros de Arzúa.
Comments