Unha colisión frontal remata con dous feridos e un vehículo queimado en Silleda

Ecos da Comarca/Silleda

Accidente de hoxe. Autor: Bombeiros de Deza - Tabeirós

No concello de Silleda, rexistrouse un accidente. Neste caso, unha colisión frontal entre dous vehículos que rematou con dúas persoas feridas e un coche calcinado.

Así o rexistraron os xestores do 112 Galicia tras recibir e xestionar as chamadas de persoas particulares ás 3:30 horas da mañá.

O impacto entre os dous coches produciuse na N-525, a carón do parque de bombeiros, que, por certo, tiveron que acudir debido ao incendio posterior que se produciu nun dos turismos. O lume causou danos na parte dianteira do vehículo.

Preme na imaxe se quere contactar connosco!

Ademais dos bombeiros, acudiron os profesionais de Urxencias Sanitarias de Galicia-061 para o traslado dos feridos e os axentes da Policía Local e da Garda Civil de Tráfico.