Unha colisión entre un camión e un coche en Ponte Vilariño sáldase sen feridos
Ecos da Comarca/Agolada
Esta tarde produciuse un accidente en Ponte Vilariño, no municipio de Agolada. No mesmo víronse implicados dous vehículos.
O suceso ocorreu sobre ás 16:30 horas. O 112 Galicia foi alertado polo eCall (o sistema que avisa automaticamente ao 112 en caso de accidente) dun dos vehículos implicados. Un camión circulaba pola N-640 dirección Agolada, cando un coche salía dun cruce e produciuse a colisión, tal e como indica Protección Civil de Agolada. Nun primeiro momento pensouse que había unha persoa ferida, pero finalmente, ninguén precisou asistencia médica.
O 112 Galicia, ademais de avisar a Protección Civil do municipio, informou aos Servizos Sanitarios, aos Bombeiros de Deza, á Garda Civil de Tráfico, ao GES de Lalín e ao Servizo de Mantemento.
Comentarios