Unha colisión entre dous vehículos no municipio de Lalín sáldase con feridos
O suceso tivo lugar esta tarde na parroquia de Catasós
Ecos da Comarca/Lalín
O municipio de Lalín rexistrou esta tarde unha colisión entre dous vehículos, tal e como informa o 112 Galicia. Este foi alertado pasados uns minutos das tres da tarde por un particular.
O suceso tivo lugar na N-525 á altura do lugar de Cabreira, na parroquia de Catasós. Tal e como indica o 112 as persoas afectadas no accidente estaban liberadas e accesibles, pero quedaron feridas, aínda que non transcedeu o número exacto das que precisaron asistencia médica. Ademais, o accidente dificultou en parte o tráfico polo lugar.
O 112 mobilizou a Urxencias Sanitarias, á Garda Civil de Tráfico, a Protección Civil e á Policía Local da localidade e tamén deron aviso aos Bombeiros de Deza e ao Servizo de Mantemento de Estradas.
Comentarios