Un peregrino grave tras ser atropelado en Palas de Rei
Ecos da Comarca/Palas de Rei
Este domingo produciuse un atropelo dun ciclista no casco urbano de Palas de Rei, en concreto na Avenida de Compostela. O suceso ocorreu ás tres da tarde e o afectado quedou inconsciente.
Tal e como informa Protección Civil de Palas de Rei a vítima é un peregrino de 44 anos.
O home tivo que ser evacuado ao Hospital Universitario Lucus Augusti en helicóptero porque o seu estado é grave, segundo sinala Protección Civil.
No punto estiveron Protección Civil, un médico do ambulatorio palense, a Garda Civil e o GES de Palas de Rei/Friol.
Comentarios