Un motorista sofre lesións graves a causa dunha caída co seu vehículo en Lalín

Ecos da Comarca/Lalín

Un motorista sufríu un accidente en Lalín este xoves pola tarde.

Tal e como informa o 112 Galicia, o sinistro produciuse pasadas as sete da tarde na PO-902, na parroquia lalinense de Vilanova.

Foi unha persoa particular quen deu o primeiro aviso a través da súa chamada ao 112 Galicia. Grazas a esta comunicación, activáronse os protocolos necesarios para a atención do ferido, como a mobilización dos recursos de Urxencias Sanitarias de Galicia-061 e dos membros do GES de Lalín e dos axentes da Garda Civil de Tráfico.

Preme na imaxe para acceder á web desta empresa.

Ao remate das súas intervencións, os efectivos de emerxencias informaron ao Centro Integrado de Atención ás Emerxencias de Galicia que o condutor da moto foi evacuado en estado grave ao centro hospitalario de referencia.

Preme na imaxe se queres contactar connosco!

"Cómpre indicar que tamén se trasladaron os datos do accidente aos Bombeiros do Deza, mais a persoa estaba perfectamente liberada e accesible", indica o 112 Galicia.