Un incendio afectou a unha nave de Melide

Ecos da Comarca/Melide

As forzas da orde investigan as causas do incendio rexistrado na noite do luns na antiga fábrica de leite situada na rúa do Folicheiro, en Melide. O lume afectou a varios palés acumulados no interior das instalacións.

Parte da nave incendiada. Autor: Bombeiros de Arzúa.

O 112 Galicia tivo constancia do suceso arredor das 21:00 horas, tras recibir o aviso dos axentes da Garda Civil. De inmediato, o Centro Integrado de Atención ás Emerxencias informou a Urxencias Sanitarias de Galicia-061, aos Bombeiros de Arzúa e Ordes, á Garda Civil e aos voluntarios de Protección Civil de Melide.

 Vídeo de Onte. Autor: Ecos da Comarca:

Os Bombeiros de Arzúa controlaron o incendio con rapidez, polo que non foi precisa a intervención do parque de Ordes. Posteriormente, realizaron tarefas de desentullo e arrefriamento da zona e non se rexistraron verteduras nin danos persoais relacionados con este lume.

PUBLICIDADE

Preme na imaxe se queres contactar connosco.

Os bombeiros de Arzúa indicáronlle a esta redacción preto das 10 horas de hoxe, martes, que volvían estar no lugar porque foron mobilizados ás 8:27 horas porque se reiniciou o lume.