Un grupo de 140 veciñas e veciños de Cruces visitaron este domingo a Illa da Toxa e Cambados

Na excursión, na que estiveron acompañados polo alcalde, Luís Taboada, e a concelleira, Noemi Lois, realizaron un paseo en catamarán pola ría de Arousa

Ecos da Comarca/Vila de Cruces

O Concello de Vila de Cruces organizou este domingo unha excursión á Illa da Toxa e Cambados, no marco do programa “Viaxa con nós” destinado a facer viaxes turísticas de proximidade para que a veciñanza coñeza puntos de gran valor cultural e medioambiental.

 PUBLICIDADE

Se queres obter máis información do evento preme na imaxe.

O alcalde, Luís Taboada, e a concelleira de Benestar Social, Noemi Lois, acompañaron ás 140 veciñas e veciños que desfrutaron dun soleado día de lecer polas Rías Baixas.

 PUBLICIDADE

Preme para obter máis información.

Percorreron a ría cun paseo en catamarán, aprendendo sobre o funcionamento das bateas, ademais de gozar das vistas e dunha degustación de mexillóns, para rematar o día cun xantar e percorrido pola vila de Cambados.