Un ferido tras caer co seu coche por un terraplén en Ponte Vilariño, en Agolada

Ecos da Comarca/Agolada

Esta tarde produciuse unha saída de vía no municipio de Agolada. O accidente tivo lugar á altura de Ponte Vilariño e o coche caeu por un terraplén quedando volcado. O 112 Galicia foi alertado ás 16:46 horas. O condutor e único ocupante, tal e como informa o 112 Galicia, tivo que ser trasladado en ambulancia.

Os servizos sanitarios tamén mobilizaron ao helicóptero de Emerxencias Sanitarias que se desprazou ao lugar, pero finalmente o ferido, veciño de Lalín, foi traslado en ambulancia.

O 112 Galicia tamén deu aviso aos bombeiros de Deza, á Garda Civil de Tráfico e a Protección Civil de Agolada.