Colisión na Rúa do Cantón San Roque
Ecos da Comarca/Melide
A N-547 ao seu paso polo centro de Melide rexistrou esta noite un accidente no que se viron implicados dous vehículos. O 112 Galicia recibiu o aviso ás 22:52 horas, no que se lles notificaba un accidente de tráfico entre dous coches na Rúa do Cantón San Roque. Así mesmo, indicaba que había persoas feridas que xa se atopaban fóra dos turismos. O incidente saldouse cun ferido que necesitou ser trasladado.
Ao lugar desprazáronse axentes da Garda Civil de Tráfico, os Bombeiros de Arzúa, Protección Civil de Melide e unha ambulancia do 061. Ás 23:40 horas os vehículos aínda non foran retirados.
Comments