Un coche envorca na parroquia lalinense de Anzo
Ecos da Comarca/Lalín
O municipio de Lalín rexistrou esta tarde, ás 18:30 horas, un accidente de tráfico.
Tal e como informa o 112 Galicia, tratouse dunha saída de vía na estrada EP6005 á altura da parroquia de Anzo. O coche acabou envorcado, pero fóra do vial.
O 112 Galicia avisou a Urxencias Sanitarias, á Garda Civil de Tráfico, ao GES e a Policía Local e aos Bombeiros de Silleda.
"Os bombeiros indicáronos que non fixo falta usar as ferramentas de excarcelamento, porque a persoa afectada estaba accesible, pero si que a tiveron que sacar do vehículo", puntualiza o 112.
Comentarios