Un coche envorca en Melide tras colisionar con outro que estaba estacionado

Ecos da Comarca/Melide

Este domingo produciuse un aparatoso accidente de tráfico no casco urbano de Melide. O 112 Galicia foi alertado ás 19:14 horas.

O coche quedou envorcado. Autor: C.D.

Segundo fontes oficiais, tratouse dunha colisión entre dous vehículos. Un deles impactou contra outro que estaba estacionado e acabou envorcado. Por sorte, non houbo feridos.

Publicidade

Preme na imaxe se queres contactar connosco.

O suceso ocorreu na N-547 na Rúa Progreso. Ata o lugar desprazáronse Protección Civil de Melide, Urxencias Sanitarias e a Garda Civil de Atestados.