Un coche colisiona contra outro estacionado en Melide

Ecos da Comarca/Melide

Os coches afectados. Autor: C.D.

Este sábado rexistrouse un accidente de tráfico no concello de Melide. No mesmo víronse implicados dous vehículos e saldouse cunha persoa ferida. Sucedeu uns minutos antes das 14:00 horas.

Publicidade

Preme na imaxe para obter máis información!

O suceso ocorreu na estrada AC-840 á altura do quilómetro 50, nas Cazallas. "Tratouse dunha colisión entre dous vehículos. Un que estaba circulando colisionou contra outro que estaba estacionado", sinala o 112 que foi avisado por Urxencias Sanitarias.

Unha persoa resultou ferida e tivo que ser trasladada en ambulancia ao Complexo Hospitalario Universitario de Santiago de Compostela (CHUS).

Publicidade

Preme na imaxe se queres contactar connosco.

Ademais de Urxencias Sanitarias, ata o lugar desprazáronse Protección Civil de Melide, a Policía Local e a Garda Civil de Tráfico.