UCIN Galicia reclama actuacións urxentes nas estradas autonómicas e estatais

Ecos da Comarca/Xeral

UCIN Galicia alerta do abandono crítico da rede viaria galega e esixe a creación inmediata dun fondo de actuación urxente para reparar o estado lamentable de vías autonómicas, nacionais e locais.

Segundo denuncia a organización de consumidores, moitas estradas presentan fochancas, parches e deficiencias graves que poñen en risco a seguridade viaria. “Non

abonda con presumir de ter unha das mellores redes de autovías do mundo se o firme está deteriorado e obriga aos condutores a circular polo carril esquerdo por perigo”, advirte José Luis Calo, coordinador de UCIN Galicia.

 Publicidade

Preme na imaxe para obter máis información do evento.

A situación resulta especialmente preocupante, sinala, en autovías principais como a Autovía A-6, cuxo inventario elaborado por transportistas galegos hai cinco anos xa puxera de manifesto o mal estado do pavimento. Ata o de agora, porén, non se adoptaron medidas significativas para corrixir esta problemática.

Principais demandas de UCIN Galicia

• Reparación inmediata dos treitos con fochancas e parches perigosos.

• Mantemento continuado para evitar o deterioro progresivo das vías.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

• Transparencia no investimento público en infraestruturas, vinculando impostos ao servizo recibido.

• Creación dun fondo urxente destinado ao saneamento de estradas en risco, tanto autonómicas como estatais.

“Os gobernos adoitan inaugurar obras, pero non investir en sanear o que xa existe, porque iso non dá foto electoral”, denuncia Calo. “É hora de entender que pagar impostos tamén significa recibir un servizo en condicións, e non un risco permanente para condutores e transportistas”.

Publicidade

Preme para contactar con nós e pregunta polas tarifas que son unha bicoca!

UCIN Galicia fai un chamamento ás administracións para actuar con urxencia, garantindo a seguridade de todas as persoas que circulan pola rede viaria galega e evitando que a imaxe de Galicia se vexa tamén deteriorada neste ámbito.