UCIN Galicia esixe transparencia e rendición de contas tras as queixas sobre o programa Kit Dixital

Ecos da Comarca/Xeral

O coordinador de UCIN Galicia, José Luis Calo, alza a voz ante o crecente número de reclamacións que están a recibir autónomos e microempresas da nosa comunidade autónoma, beneficiarias do programa estatal Kit Dixital, e que "denuncian irregularidades, falta de seguimento e un uso pouco eficaz de fondos públicos destinados á dixitalización".

Contexto

O programa Kit Dixital, impulsado polo Goberno de España, financiado con fondos europeos NextGenerationEU e xestionado a través da entidade estatal Red.es, tiña como obxectivo facilitar a transformación dixital de autónomos, microempresas e pemes. Entre os trámites atópase o rexistro na plataforma Acelera Peme, o test de diagnóstico dixital, a solicitude do bono, a concesión e a elección dun axente dixitalizador autorizado para executar os servizos. "Con todo, o programa está actualmente en dúbida ante as denuncias de atrasos, xestión complexa e utilidade cuestionada por parte dos beneficiarios", sinala UCIN.

As queixas dos beneficiarios galegos

Desde UCIN Galicia recibimos múltiples comunicacións de autónomos galegos que sinalan o seguinte:

"• Tras a concesión do bono, a empresa diXitalizadora ofreceulles equipos informáticos de gama moi baixa ou servizos moi limitados, que non cumpren co anunciado.

• Falta de transparencia na execución do servizo, sen unha auditoría pública do que se está entregando.

• Prazos incumpridos ou servizos non prestados a día de hoxe, a pesar de que a convocatoria foi anunciada hai tempo.

• Sensación de que o programa se convertiu nun trámite máis que nunha auténtica transformación dixital para o tecido produtivo galego".

Publicidade

Preme na imaxe para obter máis información do evento.

"Estas denuncias, na nosa opinión, apuntan a un grave problema: a utilización de fondos públicos —e europeos— para un obxectivo declarado (a dixitalización) que na práctica non se está cumprindo en toda a súa amplitude", salienta a formación política.

Esixencias de UCIN Galicia

En nome dos autónomos galegos e microempresas afectadas, UCIN Galicia, a través do seu coordinador José Luis Calo, esixe:

 1. Que Red.es e as administracións competentes publiquen de forma clara e periódica un informe de seguimento do programa Kit Dixital en Galicia: número de bonos concedidos, axentes dixitalizadores autorizados operativos en Galicia, servizos efectivamente contratados, calidade dos equipos instalados e porcentaxe de casos que recibiron o servizo completo.

 2. Que se habilite un mecanismo de reclamación e auditoría accesible para os beneficiarios que recibiron servizos de calidade deficiente ou que aínda están pendentes de execución.

 3. Que se realice unha avaliación independente de impacto do programa en Galicia que determine se os fondos están a xerar a transformación dixital real que se prometeu ás pemes e autónomos.

 4. Que as convocatorias futuras —ou a fase restante do programa— garantan mellor control de calidade, transparencia e efectividade, evitando que os fondos se convertan nun mero trámite burocrático ou en negocios para intermediarios sen valor engadido real.

Publicidade

Preme na imaxe se quere contactar connosco.

“Os autónomos e microempresas galegas merecen algo máis que a etiqueta de dixitalización: merecen servizos que realmente lles permitan competir, crecer e modernizarse”, afirma Calo. “Non podemos permitir que un programa deseñado para impulsar ao tecido produtivo convértase en opaco, lento e pouco eficaz. Se se inviste diñeiro público —e fondos europeos— debe ser para obter resultados tanxibles, non escusas.”