UCIN Galicia alerta dun “golpe histórico” ao sector lácteo e esixe medidas urxentes

José Luis Calo advirte de que a caída de 186 millóns nas rendas do vacún de leite

ameaza un dos piares económicos e sociais de Galicia

Ecos da Comarca/Xeral

UCIN Galicia, a través do seu coordinador José Luis Calo, expresa o seu firme apoio ao sector gandeiro galego tras as últimas estimacións que cifran nunha caída de máis de 186 millóns de euros os ingresos das explotacións de vacún de leite na comunidade.

Segundo os datos trasladados por organizacións agrarias, a rebaixa media de 8 céntimos

por litro nos novos contratos lácteos supón un duro impacto económico que, no caso

dunha explotación tipo, pode traducirse en perdas de arredor de 27.000 euros anuais. A

esta situación súmase o forte incremento dos custos de produción, con subas

significativas en gasóleo, fertilizantes e servizos agrarios, o que agrava aínda máis a

viabilidade das granxas.

Desde UCIN Galicia denuncian que esta combinación de caída de prezos e aumento de

custos “está a afogar literalmente ás explotacións familiares”, ao tempo que sitúa a

Galicia en clara desvantaxe competitiva fronte a outras comunidades, con diferenzas de

ata o 24% no prezo do leite respecto a Asturias.

José Luis Calo sinala que “non se pode permitir que un sector estratéxico para Galicia,

que fixa poboación no rural e xera miles de empregos directos e indirectos, sexa tratado

como unha variable de axuste polas industrias lácteas”. Neste sentido, advirte de que

“estamos ante unha situación límite que require unha resposta inmediata e contundente

por parte das administracións”.

 PUBLICIDADE

Se queres obter máis información do evento preme na imaxe.

UCIN Galicia tamén mostra a súa preocupación pola entrada masiva de leite procedente

de Francia e Portugal a prezos moi baixos, unha práctica que, segundo denuncian, está a

distorsionar o mercado e a presionar á baixa os prezos que perciben os produtores

galegos.

“Se se confirma que existen prácticas de concertación de prezos ou comportamentos

propios dun cártel, estaríamos ante feitos moi graves que deben ser investigados e

sancionados con toda a contundencia da lei”, subliña Calo.

 PUBLICIDADE

Preme para obter máis información.

A formación reclama á Xunta de Galicia, ao Ministerio de Agricultura e aos organismos

reguladores que actúen de maneira urxente para garantir o cumprimento da Lei da

Cadea Alimentaria e evitar abusos que poñan en risco a supervivencia do sector.

Finalmente, UCIN Galicia fai un chamamento á cidadanía para apoiar o consumo de

leite e produtos lácteos de orixe galega. “Detrás de cada litro de leite hai familias,

emprego e futuro para o noso rural. Defender o sector lácteo é defender Galicia”,

conclúe José Luis Calo.