UCIN: "A Xunta apoia ás apostas mentres o helicóptero do 061 de Santiago está inoperativo"
- ecosdacomarca
- hace 7 horas
- 2 Min. de lectura
A formación critica que a asistenciade da Xunta o pasado 7 de maio á inauguración da nova sede corporativa da empresa de apostas Luckia na cidade da A Coruña
Ecos da Comarca/Xeral
UCIN Galicia, a través do seu coordinador autonómico, José Luis Calo, lanzou este sábado unha dura crítica contra o presidente da Xunta, Alfonso Rueda, tras a súa asistencia o pasado 7 de maio á inauguración da nova sede corporativa da empresa de apostas Luckia na cidade da A Coruña.
No acto institucional, Rueda estivo acompañado polo conselleiro de Facenda e Administración Pública, Miguel Corgos, e pola alcaldesa da cidade herculina, Inés Rey.
Desde UCIN Galicia consideran “inadmisible” que o Executivo autonómico “dedique
tempo e protagonismo institucional a apoiar empresas vinculadas ás apostas deportivas
mentres os servizos públicos de emerxencias continúan sufrindo carencias gravísimas”.
José Luis Calo denunciou que o helicóptero de emerxencias con base en Santiago de Compostela “leva sen estar operativo desde o venres”, unha situación que cualificou de
“auténtica vergoña para Galicia e unha irresponsabilidade política de enorme gravidade”.
“Mentres o presidente da Xunta aparece en fotografías inaugurando sedes de casas de
apostas, miles de galegos quedan desprotexidos por falta de medios sanitarios e de
emerxencia. A prioridade dun goberno serio debería ser salvar vidas, non fomentar un
modelo baseado no xogo e nas apostas”, afirmou contundentemente o coordinador de
UCIN Galicia.
PUBLICIDADE
A formación lembra que non é a primeira vez que reclama unha mellora urxente dos servizos de emerxencias na comunidade, denunciando desde hai anos “a falta de
investimento, a precariedade dos medios e o abandono sistemático dos recursos
sanitarios e de rescate”.
UCIN Galicia esixe á Xunta “explicacións inmediatas” sobre a situación do helicóptero
medicalizado e reclama “un compromiso real e efectivo coa seguridade e coa atención
sanitaria dos galegos”.
PUBLICIDADE
“Galicia non pode permitirse ter helicópteros de emerxencia parados mentres o Goberno
galego centra os seus esforzos en actos propagandísticos. A vida das persoas ten que
estar por enriba de calquera interese económico ou empresarial”, concluíu Calo.
Comentarios