Toñito López e Santi Gil gañan o III Rallysprint Concello de Silleda

ecosdacomarca
hace 7 horas
2 Min. de lectura

O segundo posto foi para Javier Martínez Carracedo e José Antonio Vázquez Barrán e o terceiro para Marco Lorenzo e José Ángel Fente

Ecos da Comarca/Silleda

Toñito López e Santi Gil conquistaron este sábado o III Rallysprint Concello de Silleda-Castrol by Grupo Martins. A dupla do Peugeot levou a vitoria final tras completar unha actuación moi sólida, marcando o scratch en 3 dos 4 treitos disputados e parando o crono final en 30:19.9.

Javier Martínez Carracedo e José Antonio Vázquez Barrán mantiveron a emoción ata o final, rematando na segunda posición a só 7.2 segundos dos vencedores tras unha intensa loita durante toda a xornada.

Marco Lorenzo e José Ángel Fente asinaron unha gran actuación diante da súa afección para completar o podio final, cedendo 31.0 segundos respecto da cabeza.

PUBLICIDADE

Se queres obter máis información do evento preme na imaxe.

Na cuarta posición finalizaron Diego Félix e Héctor Rodríguez, mentres que Iago Silva e Francisco Javier González pecharon o top 5 da clasificación xeral.

Alberto Nimo e Félix Quintela foron os vencedores da categoría Extra, así como da xeral absoluta. Cómpre lembrar que os vehículos Rally2, N5 e similares non puntúan para a clasificación final do rallysprint.

Emilio Vázquez e Daniel González dominaron a Copa Kumho, logrando a vitoria na súa primeira participación dentro deste certame monomarca.

PUBLICIDADE