Temperaturas medias en Lalín nos sete primeiros meses de 2026

ecosdacomarca
hace 16 horas
2 min de lectura

Artigo do xeógrafo lalinense Antonio Presas

Antonio Presas/Lalín

TEMPERATURAS MEDIAS EN LALÍN NOS SETE PRIMEIROS MESES DE 2026

Seguindo as regras do razonamento lóxico (establecido pola Lóxica tradicional aristotélica dos siloxismos e métodos inductivo-deductivos) é normal que se as temperaturas están a variar, lentamente, a valores cada vez máis elevados, entonces os valores parciais que podemos analizar tamén reflecten esa tendencia.

En resume, se as "temperaturas medias" están a subir lentamente desde mediados do século XIX de forma clara e demostrabale cuantitativamente, entonces cabe esperar que eses cambios se aprecien, veladamente, con datos de escala reducida, é decir, variacións interanuais.

PUBLICIDADE

Preme na imaxe para obter máis información deste evento.

Pois ben, o que está a suceder neste ano 2026 na estación meteorolóxica de Lalín, segue esa tendencia de forma clara e os datos así o evidencian.

- Temperatura media de xaneiro a xullo período 2017-2026: 12,09ºC

- Temperatura media de xaneiro a xullo ano 2025: 12,60 ºC

- Temperatura media de xaneiro a xullo ano 2026: 12,95ºC

PUBLICIDADE

En consecuencia a temperatura media no que vai de ano 2026 é uns 0,86ºC máis elevada que o promedio 2017-2026.

No gráfico adxunto, e sen que sexa necesario dar moitas explicacións, pode observarse a evolución das temperaturas medias na estación de Lalín.

O que levamos de verán deste ano, foi bastante parecido, termicamente, ao ano 2025, salvo no mes de xullo. En 2025 a temperatura media de xullo foi normal e este ano estamos ante un mes de xullo moi cálido: a media de xullo 2017-2026 foron 19ºC e a temperatura media de xullo de 2026 foi de 20,73ºC, é decir, 1,73ºC máis elevada.

PUBLICIDADE