O suceso tivo lugar esta mañá na AP-53
Ecos da Comarca/Silleda
Esta mañá produciuse unha saída de vía na AP-53, concretamente no quilómetro 35 á altura do concello de Silleda. O accidente, tal e como informa o 112 Galicia, debeuse a que a persoa que conducía o vehículo sufríu previamente unha indisposición ao volante.
Foi o propio condutor o que alertou ao 112 Galicia uns minutos antes das 12:00 horas. Na chamaba indicaba que se atopaba ben con respecto ao accidente que acababa de sufrir, pero que si precisaba asistencia médica pola indisposición que lle causou o sinistro.
Inmediatamente, o 112 Galcia mobilizou a Urxencias Sanitarias, aos Bombeiros de Deza, aos axentes da Garda Civil de Tráfico e ao Servizo de Mantemento da Estrada.
