Silleda organiza a segunda xornada de mulleres rurais 'NOSOUTRAS. Sementando Cambio'

Será o 14 de xuño e é necesario inscribirse

Laura Moure/Silleda

O Concello de Silleda, en colaboración coa ONG Acción contra el hambre, organiza a segunda xornada de mulleres rurais NOSOUTRAS. Sementando Cambio no marco do

proxecto Comunidades de Emprego e Emprendemento Rural Sostible. A cita terá lugar o venres 14 de xuño de 10:30 a 12:30 horas na Casa da Xuventude.

Esta xuntanza ten como obxectivo fomentar o coñecemento e a interacción entre as participantes a través de dinámicas grupais e individuais, promovendo un ambiente de colaboración e intercambio de ideas. É unha oportunidade única para que as mulleres rurais se reúnan, compartan as súas experiencias e exploren novas ideas para o desenvolvemento sostible da comarca.

Publicidade

Preme na imaxe se queres saber máis deste evento.

A inscrición está aberta a todas as mulleres interesadas en participar, sen importar a súa

dispoñibilidade para asistir a todas as sesións organizadas. Para inscribirse, as participantes deben cubrir este formulario https://goo.su/yHp4R  que se poderá descargar tamén no sitio web do Concello de Silleda.

Publicidade

Preme na imaxe se quere contactar connosco.

As persoas interesadas en obter máis información poden chamar ao teléfono 648 166 848 ou enviar un correo electrónico a arandolfe@accioncontraelhambre.org