Silleda convoca para o xoves a reunión con todas as traballadoras do Servizo de Axuda no Fogar (SAF)
- Laura Moure
- 26 ene 2022
- 1 Min. de lectura
Este martes celebrouse a reunión cos representantes sindicais da CIG, para avanzar no
proceso de municipalización
Laura Moure/Silleda
Este xoves día 27 celebrarase no salón de actos da Casa da Cultura de Silleda, ás 16:00 horas, a reunión con todas as traballadoras da plantilla do Servizo de Axuda no Fogar (SAF). Nesta asamblea o alcalde, Manuel Cuiña, e a concelleira de Benestar, Ángela Troitiño, explicarán todos os pasos dados e outras cuestións relativas ao proceso de subrogación, despois de que a empresa adxudicataria renunciara a semana pasada a continuar co contrato.
Esta mesma mañá, Cuiña e Troitiño mantiveron o encontro cos representantes sindicais da CIG, aos que o rexedor explicou que o proceso se acelerará o máximo posible, ademais de explicar como se levará a cabo. Nesa xuntanza –ao remate da que se esperaba que a central aportara a documentación sobre as nóminas sen pagar- tamén se deu conta por parte dos membros do goberno da débeda da empresa ca Seguridade Social e con Facenda.
“Hai total colaboración e esperamos que a subrogación se poida facer efectiva no menor prazo de tempo posible”, explica o alcalde. Cuiña reitera que unha vez se faga efectiva a municipalización do servizo, tendo en conta os prazos legais que se deben cumprir, “o primeiro que se fará dende o Concello será abonar ás nóminas que se adebedan ás
traballadoras”, engade.
NOTICIAS RELACIONADAS:
Comments