O de hoxe saldouse con catro persoas feridas
Ecos da Comarca/Santiso
![](https://static.wixstatic.com/media/0216be_ebe05128ad3c4d6c8bb551610c406486~mv2.jpeg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/0216be_ebe05128ad3c4d6c8bb551610c406486~mv2.jpeg)
Este xoves tivo lugar un accidente de tráfico no municipio de Santiso no coñecido como 'cruce dos oitos'. E cabe mencionar que é o segundo sinistro nesta semana, xa que o luns tivo lugar outro no mesmo sitio.
Neste caso, tamén se tratou dunha colisión entre dous coches e saldouse con catro persoas feridas. Todas foron trasladadas para recibir asistencia médica. Segundo os alí presentes, viaxaban dúas en cada vehículo. Os coches implicados foron un Volkswagen Golf 6 e un Peugeot 406.
Publicidade
O 112 Galicia foi avisado sobre as 19:30 horas. "Chamounos un particular e indicounos que había persoas feridas, pero non atrapadas". Con estes datos o 112 Galicia deu aviso a Urxencias Sanitarias e á Garda Civil de Tráfico. Tamén informou aos Bombeiros de Arzúa, pero xa non se desprazaron.
![](https://static.wixstatic.com/media/0216be_69ecaec078b448bc9d46790d545532d9~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/0216be_69ecaec078b448bc9d46790d545532d9~mv2.jpg)
NOTICIA RELACIONADA:
O accidente deste luns que tivo lugar no mesmo sitio:https://www.ecosdacomarca.com/post/colisi%C3%B3n-de-dous-coches-no-co%C3%B1ecido-como-cruce-dos-oitos-en-santiso