Samba será repatriado grazas á solidariedade veciñal de Rodeiro tras recadar 8.000 euros

Ecos da Comrca/Rodeiro

A mobilización solidaria do pobo de Rodeiro conseguiu o seu obxectivo en tempo récord: tras o falecemento Samba o pasado domingo, poderá ser repatriado á súa terra natal xunto á súa familia en Senegal. A resposta da veciñanza e das persoas colaboradoras foi exemplar, demostrando unha vez máis que a unión arredor dunha causa xusta pode facer posible o que parecía difícil.

Samba. (Foto cedida).

Segundo informou hoxe o Concello de Camba, a recadación necesaria para facer fronte aos custes da repatriación completouse con rapidez, nunha mostra de compromiso colectivo que enche de orgullo á comunidade local. A solidariedade volveu situarse no centro da vida social do municipio.

 PUBLICIDADE

Se queres obter máis información do evento preme na imaxe.

Información importante sobre a campaña

• O diñeiro que supere os custes da repatriación será enviado integramente á familia de Samba en Senegal.

• A conta oficial habilitada para esta causa xa está pechada, polo que se solicita expresamente que non se realicen máis transferencias.

Concello e veciñanza, impulsores desta recolecta solidaria, trasladaron o seu agradecemento a todas as persoas que colaboraron, destacando que cada achega, por pequena que fose, contribuíu a facer realidade este obxectivo.

 PUBLICIDADE

Preme para obter máis información.

"Hoxe queremos expresar o noso máis sincero agradecemento a todas as persoas que colaboraron na recolecta solidaria para a repatriación de Samba. En pouco máis de 24 horas, a solidariedade da nosa veciñanza e de moitas persoas anónimas fixo posible reunir máis de 8.000 euros, demostrando unha vez máis o enorme corazón da nosa xente.

En menos dun ano, Rodeiro viviu xa dúas campañas solidarias, e queremos destacar tamén que moitas das persoas que colaboraron non son do noso concello. A todas elas, o noso máis profundo agradecemento por sumar e por estar cando máis se precisa.

Grazas a este xesto colectivo, Samba poderá descansar no seu país, xunto aos seus.

Informamos tamén de que a conta solidaria queda xa pechada, ao terse cumprido os obxectivos marcados, polo que non é necesario realizar máis achegas", sinala o alcalde do municipio José Luis Camiñas.

NOTICIA RELACIONADA:

• Rodeiro inicia unha colecta para sufragar os custos de repatriación tras a morte dun veciño de Senegal: https://www.ecosdacomarca.com/post/rodeiro-inicia-unha-colecta-para-sufragar-os-custos-de-repatriaci%C3%B3n-tras-a-morte-dun-veci%C3%B1o-de-seneg