Roubar e derramar o millo na Bandeira

Ecos da Comarca/Silleda

Unha veciña da localidade silledense da Bandeira expresa o seu enfado ante o dano co que se atopou esta semana na súa finca de millo, algo que considera un atentado contra o seu traballo.

Publicidade

Preme na imaxe para obter máis información!

"A última moda na Bandeira é roubar e degradar o trallo da terra. Se hai algo que merece respecto e honra é o traballo da terra. Sacrificio, gasto e moita dedicación fan falta para poder cultivar as terras e creo que, o menos que se pode facer é RESPECTAR! Esta plantación está na Gandeira, nunha leira da miña propiedade e dame auténtica vergoña ver que o traballo e o esforzo honrado se degraden desta maneira. A quen o fixo, non lle abonda con roubar o froito senón que rompe as plantas. Quen fai algo así demostra o que é. Non hai nada máis que dicir. Bo proveito, seguro que estaban ben sabedeiras", comparitiu Cris Quinteiro a través das súas redes sociais.

Foto publicada pola afectada.

Quinteiro tamén nos dicía isto a ECOS DA COMARCA: "É unha vergoña que degraden así o traballo dos gandeiros. Dame moita rabia. Non é o feito de levar o froito senón de meter as mans no traballo honrado da xente".

Publicidade

Preme na imaxe se queres contactar connosco.

"É gana de facer mal gratuitamente", lamenta esta silledense.