Ecos da Comarca/Agolada
Desaparece o cruceiro situado no lugar de Reboredo, na parroquia de Borraxeiros (Agolada). Esta mañá o veciño da localidade Ángel Utrera foi o que se deu conta de que faltaba e inmediatamente, dirixiuse ao Concello para comunicar estes feitos.
O cruceiro (nunha foto antiga) e imaxe de hoxe do lugar, na que xa non está. Autor: Ángel Utrera.
Utrera rexistrou un escrito no Concello para deixar constancia do acontecido. Asegura que hai un mes pasou polo lugar e o cruceiro si que estaba.
Tras trasladarllo ao alcalde do municipio, Luis Calvo, comunicóuselle o acontecido á Garda Civil por teléfono e agora será o propio rexedor o que se desprace ata o cuartel para realizar a correspondente denuncia. “Estes son uns feitos intolerables contra o noso Patrimonio que non se poden permitir”, subliña o mandatario.
コメント