Ecos da Comarca/Vila de Cruces
Protección Civil de Vila de Cruces informou esta mañá, a través do seu perfil de Facebook de que "queda prohibido ata novo aviso o baño nas piscinas de A Carixa por causa dun vertido".
Tal e como nos indicou a este medio Protección Civil do municipio trátase dun vertido de purín. Onte xa estiveron no lugar a Policía Autonómica, Augas de Galicia e o Seprona. "Hoxe pola mañá volveron os técnicos de Augas de Galicia e mandaron baleirar as piscinas e precintar a zona de baño no río. Están intentando localizar o punto onde se fixo o vertido", explica Protección Civil.
A área recreativa da Carixa está situada na parroquia cruceña de Merza e é un dos atractivos turísticos da comarca de Deza máis visitados durante o verán.
Comentários