Prende lume no cadro eléctrico dun edificio de Lalín

Ecos da Comarca/Lalín

O 112 Galicia foi alertado pasados uns minutos das 15:30 horas deste domingo por un lume en Lalín. Este, tal e como informa o 112 Galicia, orixinouse no cadro eléctrico dun edificio de tres alturas situado na rúa D de Lalín.

"O GES de Lalín informounos que ardeu parte del, pero que non afectou a nada máis e que cando chegaron xa estaba apagado", sinala o 112.

Preme na imaxe se queres contactar connosco.

Ademais do GES de Lalín, como indica o 112 Galicia, foron avisados os Bombeiros de Silleda e a Policía Local.