‘Por un monte galego con futuro’ convoca unha mobilización nacional o 14 de setembro en Santiago

O obxectivo é esixir a aplicación de medidas que eviten outra vaga de lumes e para reclamar un plan de choque con axudas urxentes para as persoas e as zonas afectadas polos incendios forestais

Ecos da Comarca/Xeral

A concentración contra os lumes forestais o pasado 21 de agosto en Melide. Autor: Ecos da Comarca.

Tras o éxito das máis de 30 concentracións celebradas por todo o país o pasado 21 de agosto contra a política forestal do Goberno galego a plataforma ‘Por un monte galego con futuro’ vén de anunciar a convocatoria dunha nova protesta, nesta ocasión para esixir a aplicación de medidas que eviten outra vaga de lumes e para reclamar un plan de choque con axudas urxentes para as persoas e as zonas afectadas polos incendios.

 Publicidade

Preme na imaxe para obter máis información.

Esta nova iniciativa da plataforma -integrada por máis de medio cento de asociacións, colectivos e organizacións e que naceu en 2018 para promover varias ILP de protección do bosque autóctono e de racionalización da xestión do monte e para amosar a súa oposición ao último Plan Forestal aprobado pola Xunta- consiste nunha manifestación nacional que terá lugar en Santiago o vindeiro domingo 14 de setembro, con saída dende a Alameda ás 12:00 horas.

Publicidade

Preme na imaxe se queres contactar connosco.

Sinala que en vindeiras datas darase máis detalles de todo o que arrodea esta mobilización.

CONCENTRACIÓN O DÍA 21 EN MELIDE