Policía Local e Garda Civil investigan os danos a decenas de vehículos en Silleda
Ecos da Comarca/Silleda
Veciñanza de Silleda amenceu este mércores cunha desagradable sorpresa ao atopar os seus vehículos coas rodas picadas e outros destrozos, decenas de vehículos que estaban estacionados en diferentes rúas da localidade como Santa Eulalia, Progreso ou Emilio Alonso Paz. A longo da mañá presentáronse varias denuncias polos danos ocasionados e solicítase a colaboración cidadá para tratar de identificar a persoa ou persoas responsables.
O Concello de Silleda expresa a súa preocupación e lamentar profundamente os danos ocasionados durante a pasada madrugada en decenas de vehículos estacionados en distintas rúas do casco urbano.
Os feitos, que afectaron a numerosos puntos do centro da vila, inclúen rodas picadas e danos noutros elementos dos vehículos, como os limpaparabrisas.
PUBLICIDADE
A Policía Local e a Garda Civil están a investigar o sucedido para tratar de esclarecer os feitos e identificar as persoas responsables.
"Dende o Concello queremos trasladar a nosa solidariedade á veciñanza afectada e facer un chamamento ao civismo, ao respecto e á convivencia. Ningunha circunstancia xustifica este tipo de comportamentos, que ocasionan importantes prexuízos á veciñanza e alteran a tranquilidade da nosa vila. Confiamos en que as investigacións permitan esclarecer canto antes o sucedido", sinala.
PUBLICIDADE
Ecos da Comarca acercámonos esta mañá ata Silleda para falar con afectados. O noso contido audiovisual estará publicado ás 22:00 horas de hoxe nas nosas redes sociais.
Comentarios