O Ministerio de Interior destinará 3M€ para mellorar o Cuartel da Garda Civil de Lalín
Ecos da Comarca/Lalín
O Consello de Ministros acordou este martes elevar ata os 740 millóns de euros a programación do orzamento ordinario que o Ministerio do Interior destinará a mellorar as infraestruturas policiais nun período que se amplía ata 2034. O acordo modifica a anterior programación elaborada polo ministerio que dirixe Fernando Grande-Marlaska, aprobada polo Goberno en decembro de 2025 e que ascendía a 262,8 millóns de euros para acometer 130 proxectos ata 2029. Das comarcas de Arzúa, Deza, Terra de Melide e A Ulloa figura a mellora da eficiencia enerxética do Acuartelamento da Garda Civil de Lalín que recibirá 3.070.000 euros.
Co novo orzamento, que medra en 477 millóns de euros respecto do orixinal (un 177 por cento máis), a Subdirección Xeral de Planificación e Xestión de Infraestruturas e Medios para a Seguridade proxectou un conxunto de 302 proxectos de construción, reforma, mellora, ampliación, rehabilitación ou mellora da eficiencia enerxética de comisarías de Policía e cuarteis da Garda Civil.
Como en la anterior ocasión, estas 302 obras serán consideradas ‘de interese xeral’, o que permitirá tramitalas pola vía especial prevista na Lei 13/2003, do 23 de maio, reguladora do contrato de concesión de obras públicas, o que impedirá que se vexan paralizadas, dificultadas ou atrasadas polo plan urbanístico ou polas competencias municipais en materia de intervención na edificación e uso do chan.
PUBLICIDADE
As actuacións poderán comezar un mes despois de ser comunicadas á administración competente aínda que carezan da correspondente licenza municipal.
302 actuacións programadas
Das 302 intervencións programadas, a Secretaría de Estado de Seguridade financiará con cargo aos seus orzamentos 33 delas, cun investimento superior aos 101,8 millóns de euros. Entre elas, destacan a construción de novas comisarías de Policía en Alcantarilla (Murcia), Alcázar de San Juan (Ciudad Real), Gandía (Valencia) ou unha residencia no Complexo Policial de Canillas (Madrid), así como novos cuarteis de la Garda Civil en Los Yébenes (Toledo), Santanyí (Mallorca) ou a construción novos equipamentos no Centro Adestramento Específico de Montaña de Candanchú (Huesca).
Pola súa banda, a Dirección Xeral da Policía asume cen actuacións por un importe de 164,4 millóns de euros financiados cos seus propios orzamentos. Entre os proxectos incluídos destacan a construción de novas comisarías en Almería, Marín (Pontevedra), Valdebebas e Vicálvaro (Madrid), Jaca (Huesca), Medina del Campo (Valladolid), así como a rehabilitación da sala de asilo do aeroporto Adolfo Suárez-Madrid-Barajas e a construción nova sede do Centro Universitario de Formación de Policía Nacional en Ávila.
A Dirección Xeral da Garda Civil impulsarán 87 proxectos por importe de 174,7 millóns de euros con cargo aos seus propios orzamentos, entre las que se inclúen a construción de novos acuartelamentos en Beira (Almería), Villarrobledo (Albacete), Benavente (Zamora), Alxeciras (Cádiz), Calahorra (A Rioxa ), Cáceres, Icod de los Vinos (Santa Cruz de Tenerife), Alhaurín de la Torre e Cártama (Málaga), así como un novo depósito de municións en Valdemoro (Madrid).
Para rematar, a Xerencia de Infraestruturas e Equipamento da Seguridade do Estado (GIESE), organismo autónomo dependente da Secretaría de Estado de Seguridade, asume 79 obras cun investimento total superior aos 298,8 millóns de euros. Entre elas figuran novas dependencias de Policía Nacional en Jaca (Huesca) e o distrito Nervión de Sevilla, así como novos acuartelamentos da Garda Civil en Miguelturra (Ciudad Real) en Mijas e na cidade de Málaga.
PUBLICIDADE
1.600 millóns
Os 740 millóns de euros de investimento en infraestruturas policiais aprobados este martes polo Consello de Ministros súmanse aos 900 millóns que financia o Plan de Infraestruturas para a Seguridade do Estado Extraordinario 2026-2034 (PLISE II) aprobado polo Goberno o pasado mes de marzo.
Para ese período, o Ministerio do Interior contará por tanto con máis de 1.600 millóns de euros para investimento en mellora de infraestruturas policiais, aos que hai que engadir outras achegas financeiras procedentes do fondo Europeo de Desenvolvemento Rexional (FEDER), O Programa de Apoio Financeiro á Xestión de Fronteiras e a Política de Visados (IGFV) da Unión Europea, así como o réxime de axudas previsto no Pacto Europeo de Migración e Asilo (PEMA), en vigor desde o pasado mes de maio.
O Consello de Ministros aprobou este martes unha modificación administrativa do II PLISE que habilita á Secretaría de Estado de Seguridade para revisar e modificar os orzamentos de cada un dos proxectos se fose necesario, sempre que estes cambios non modifiquen o marco financeiro que sustenta o plan, unha medida que axilizará a execución das obras.
Comentarios