O concurso terá lugar esta noite neste programa da TVG
Laura Moure/Rodeiro
O programa Luar da Televisión de Galicia celebrará esta noite a gran final de Miss Vaca 2024. Hai catro candidatas, unha por cada provincia, que busca facerse con este título. E das comarcas tamén hai representación, xa que é unha vaca de Rodeiro a que representa á provincia de Pontevedra.

Este ano, en venres pasados, houbo duelos para decidir quen era a candidata de cada provincia. E temos que dicir que pola de Pontevedra loitaron dous animais de Deza, unha de Lalín, e a de Rodeiro, Parrula, que obtivo a maior puntuación.
Nestas competicións previas, tamén participou outra vaca das comarcas, tal e como xa publicamos en ECOS DA COMARCAS en días pasados. Falamos de Pelegrín de Sobrado dos Monxes, pero non chegou á final.
Publicidade
Parrula competirá con Cuca (Miss Coruña), Navarra (Miss Lugo) e Gallarda (Miss Ourense). Cabe mencionar que no 2022 gañou este certame Rubia, outra vaca rodeirense.
Publicidade
"As vacas Rubias Galegas de Rodeiro seguen a poñer ao concello no mapa. A fin de semana pasada gañou unha vaca de Rodeiro no concurso Nacional de Rubia Galega. Este venres compite outra vaca no concurso de Luar "Miss Galicia". Parabéns a ambas familias", sinala o tenente de alcalde de Camba, Alberte Lamazares.
NOTICIA RELACIONADA:
Pelegrín, unha rubia galega de Sobrado, competirá para ser a Miss Vaca 2024 de Luar: https://www.ecosdacomarca.com/post/pelegr%C3%ADn-unha-rubia-galega-de-sobrado-competir%C3%A1-para-ser-a-miss-vaca-2024-de-luar
Comments