Os títulos da parcelaria de Liñares-Novela-Pezobrés, en Santiso, entregaranse este ano, segundo a Xunta

Ecos da Comarca/Santiso

A conselleira do Medio Rural, María José Gómez, acompañada pola directora xeral da Axencia Galega de Desenvolvemento Rural, Paz Rodríguez, mantivo este luns unha reunión co alcalde de Santiso, Manuel Adán, na que abordaron diferentes asuntos relacionados coa mobilidade de terra agraria.

O Consistorio de Santiso. Autor: Ecos da Comarca.

No encontro, a responsable de Medio Rural trasladou ao rexedor que a Consellería ten previsto realizar antes de que remate o ano a entrega de títulos da zona de concentración parcelaria de Liñares-Novela-Pezobrés, que beneficia case 400 propietarios e acada unha superficie de 766 hectáreas.

Publicidade

Preme na imaxe se queres contactar connosco.

Ademais, na xuntanza tamén se abordou a posible cesión de masas comúns das parcelarias ao concello, para diferentes usos sociais e comunitarios.