A medida que realizan as distintas actividades os nenos/as van recibindo insignias que demostran o seu esforzo por transformarse en grandes portadores de valores
Ecos da Comarca/Lalín
O Centro ETP Encuentra Tu Potencial de Lalín visitou o pasado luns a Residencia As Dores. A mesma foi coordinada polos técnicos deportivos e monitores, e forma parte do programa de actividades do "Campamento de Exploradores: Atopa O teu Potencial" dirixido por Vanesa Insaurralde e que leva a cabo desde 2021 nas instalacións deste centro durante a época estival, para nenos/as de entre 5 e 11 anos.
Durante o campamento a medida que van realizando as distintas actividades os nenos/as van recibindo insignias que demostran o seu esforzo por transformarse en grandes exploradores/as, portadores de valores como a amizade, o respecto, o xogo limpo, a solidariedade, a cooperación, o traballo en equipo.. etc. Unha destas mencionadas insignias fai referencia especificamente á interacción coas persoas da terceira idade, por iso mesmo durante a visita compartimos parte da mañá coas persoas maiores que se atopaban na residencia, realizando xogos adaptados, bailes, e unha actividade que requiría prestar atención ás vivencias que "os avós/as" narráronlles en primeira persoa.
Publicidade
"Sen dúbida, foi unha xornada repleta de alegría onde se puido observar como varias xeracións son capaces de gozar do maior dos tesouros: o tempo compartido. Entre as demais actividades do campamento atópanse tamén: unha excursión en autobus á granxa escola de Casa Grande Xanceda para interactuar cos animais, o taller que ensina aos mais pequenos a detectar un ictus impartido polas educadoras sociais de "Dano Cerebral Galicia" (antes Fegadace), simulacros de evacuación dun centro comercial ante un posible incendio, exercicios de iniciación ao Ioga e Pilates (adaptado a nenos/as), xogos que fomentan a interculturalidad ("visitando" distintos países a través do baile e xogos tradicionais de cada rexión), manualidades para traballar a paciencia e a motricidade fina, o avistamento da lúa cun telescopio de alta definición nunha quedada nocturna, entre outras do tipo lúdico-deportivas aínda que non competitivas", conta o centro.
Cabe mencionar que aínda quedan dúas prazas libres para este campamento para a quincena do 5 ao 16 de agosto. Os interesados poden contactar co centro lalinense.
Comentarios