Os Bombeiros de Arzúa tiveron que excarcerar a unha persoa nun accidente en Melide

Ecos da Comarca/Melide

Os bombeiros do parque provincial de Arzúa recibiron este sábado un aviso dun accidente de tráfico no punto quilométrico 4 da estrada provincial DP-4604, ao seu paso polo concello de Melide, tal e como informa o gabinete de prensa do Consorcio Contra Incendios e Salvamento da Coruña.

O accidente de hoxe en Melide. Autor: Consorcio Contra Incendios e Salvamento da Coruña.

Ocorreu, tal e como informan os Bombeiros, no lugar de Pereiras, ao pasar o Feal dirección Toques, xa no límite nos municipios de Melide e Toques.

Publicidade

Preme na imaxe para obter máis información do evento.

Cando chegaron ao lugar, atopáronse cunha persoa atrapada no seu vehículo despois dunha saída de vía. Despois de analizar a situación, procederon á excarceración da persoa ocupante do vehículo, que foi trasladada ao Hospital Rosaleda de Santiago de Compostela.

Publicidade

Preme na imaxe se queres contactar connosco.

Ademais dos bombeiros do parque provincial, participaron no operativo a Protección Civil de Melide, a Garda Civil de Tráfico e o 061.