O XXII Campionato de Pesca Río Furelos disputarase o vindeiro 11 de abril en Melide

A proba está dirixida exclusivamente a persoas socias e é necesario apuntarse previamente

Ecos da Comarca/Melide

A Asociación de Troiteiros Río Furelos organiza o XXII Campionato de Pesca Río Furelos  que se disputará o vindeiro 11 de abril de 2026 no tramo do Río Furelos ao seu paso por Melide, consolidándose como unha das citas deportivas tradicionais para as persoas afeccionadas á pesca na comarca.

A proba está dirixida exclusivamente a persoas socias e desenvolverase ao longo da xornada nun entorno natural de grande valor ambiental, combinando competición deportiva e convivencia entre participantes.

 Publicidade

Preme para obter máis información.

Como parte da programación, a organización prevé a celebración dun xantar social no Bar O Cantón, cun prezo de 20 euros por persoa, co obxectivo de favorecer o encontro entre participantes e acompañantes ao remate da actividade.

O campionato conta coa colaboración do Concello de Melide, da Xunta de Galicia —a través da Consellería de Medio Ambiente e Cambio Climático— e da Deputación da Coruña, entidades que apoian a promoción do deporte afeccionado e a posta en valor dos espazos naturais do territorio.

 PUBLICIDADE

Preme na imaxe para contactar con nós!

As persoas interesadas en participar poden solicitar máis información e realizar a inscrición a través do teléfono facilitado pola organización: 696 607 348.