O vindeiro 26 de abril Rodeiro acollerá unha espectacular Ruta de motos e quads

As inscricións poden realizarse ata o martes 21 de abril

Laura Moure/Rodeiro

O vindeiro 26 de abril, Rodeiro acollerá unha espectacular Ruta de motos e quads.

Esta iniciativa, impulsada dende a Tenencia de Alcaldía e a Concellería de Deportes, liderada por Alberte Lamazares, nace da inquedanza de varios moteiros locais que participan habitualmente en actividades noutros concellos e botaban en falta unha proposta destas características nesta vila.

Cómpre destacar que Rodeiro é un dos concellos máis atractivos para este tipo de rutas, grazas á súa ampla rede de camiños, angostras e curruchas, conectadas con montes tan emblemáticos como o Farelo e, especialmente, a Serra do Faro, un dos espazos naturais máis destacados do interior do país.

 PUBLICIDADE

Se queres obter máis información do evento preme na imaxe.

As persoas que xa coñecen o percorrido descríbeno como “espectacular”, tanto na modalidade de trail e quads como na de enduro.

Información de interese:

• O nivel do percorrido de enduro é medio-alto

• O percorrido de trail e quads é moderado, con opcións durante a ruta para zonas de maior dificultade

• As persoas participantes recibirán un agasallo

• Durante o xantar realizaranse numerosos sorteos

• Antes da saída haberá almorzo

• Haberá posibilidade de duchas con auga quente

• Contarase con asistencia ante calquera incidencia

• O xantar será un menú Sabor Labrego, que inclúe chuletón

   PUBLICIDADE

Preme para obter máis información.

As inscricións poden realizarse ata o martes 21 de abril. Para máis información, pódese contactar no teléfono 654 460 095 (Alberte Lamazares). "Un plan perfecto para as persoas amantes do motor e da natureza", sinala Lamazares.