O veciño de Laro José García recauda 300 quilos de comida na súa campaña a favor de Carabelo
Agora xa está traballando no mercadillo do libro solidario a favor da Asocaición Española Contra o Cancro que será en Silleda no mes de abril
Laura Moure/Deza
O veciño da parroquia silledense de Laro José García non deixa de sorprendernos polas súas múltiples campañas solidarias a favor dos demais. Oxalá existise máis persoas coma el, disposto a dalo todo para contribuír en distintas causas. Acaba de recadar 300 quilos de alimentos para merendas a favor da Asociación Carabelo de Lalín.
"Non atopamos palabras de agradecemento para o noso voluntario José García García. Desde que chegaches a Carabelo Lalin sempre estás pendente das necesidades dos usuarios/as, e tamén dos compañeros/as voluntarios. Estamos tremendamente orgullosos de contar contigo. O mundo é moito mellor gracias a xente coma ti", sinala Carabelo.
Pero García continúa con máis accións solidarias. Xa está traballando no mercadillo do libro solidario a favor da Asociación Española Contra o Cancro que será os días 23 e 24 de abril na Praza Juan Salgueiro de Silleda.
TODA A INFORMACIÓN SOBRE ESTA CAMPAÑA NO SEGUINTE ENLACE:
Comentarios